सत्य-असत्याशी मन केले ग्वाही, देखियले नाही बहुमता -संत तुकाराम
Showing posts with label शरद पवार. Show all posts
Showing posts with label शरद पवार. Show all posts

Sunday, November 18, 2012

राष्ट्रवादी जातीयवाद आता मराठ्यांनीच गाडावा ......

-महावीर सांगलीकर 


गेल्या लोकसभा-विधानसभा निवडणूकीत राष्ट्रवादी पक्षाने आपल्या कुजबूज मोहिमेतून आणि मराठा मतदारांना SMS पाठवून जातीय द्वेष पसरवण्याचा उद्योग केला होता. खानदेशात 'द्या टाळी हाकला माळी', मराठवाड्यात 'वाजवा तुतारी हाकला वंजारी' आणि दक्षिण महाराष्ट्रात 'भगवा पाहिजे का नागवा पाहिजे' असे SMS मोठ्या प्रमाणावर पाठवले गेले.

शरद पवार हे राष्ट्रवादी  पक्षाचे राष्ट्रीय अध्यक्ष आहेत. नेहमी 'फुले-शाहू-आंबेडकर' या नावांचा जप करणारे शरद पवार यांनी नुकतेच आपले जातीयवादी रूप दाखवले. त्यांनी उस आंदोलन करणा-या राजू शेट्टी या शेतकरी नेत्याची जात काढण्याचा उद्योग केला. त्यांच्या या उद्योगाचा सगळीकडे प्रचंड निषेध करण्यात आला. अनेक ठिकाणी शरद पवारांचे  पुतळे जाळण्यात आले. कांही ठिकाणी त्यांना चपलांचा हार घालण्यात आला. पूर्वी त्यांनी दुसरे एक शेतकरी नेते शरद जोशी यांचीही जात काढली होती. त्यावेळी पवारांचा फारसा निषेध झाला नव्हता, पण आत्ताचे त्यांचे विधान त्यांच्या चांगलेच अंगलट आले आहे.

राष्ट्रवादी पक्ष पश्चिम महाराष्ट्रात बलशाली आहे, आणि नेमका याच भागात या पक्षाच्या जातीयवादी राजकारणास उत आला आहे. याच पक्षाचे एक मंत्री जयंत पाटील यांच्यावरही जातीयवादाचे आरोप होत आले आहेत.

राष्ट्रवादी पक्षाच्या या जातीयवादी उद्योगामुळे संपूर्ण महाराष्ट्रातील मराठा समाज उगीचच बदनाम होत आहे. कारण राष्ट्रवादी पक्ष हा मराठ्यांचा पक्ष म्हणून ओळखला जातो. ब्राम्हण समाज मराठ्यांपासून पूर्वीच दूर गेला आहे, पण राष्ट्रवादी पक्षामुळे आता उरलेले सगळेच समाज मराठा समाजापासून दूर होत चालले आहेत. त्यात माळी, धनगर, वंजारी असे मोठे समाज तर आहेतच, पण आता दलित समाजानेही मराठ्यांपासून फारकत घेतली आहे. लिंगायत, जैन, भटके-विमुक्त, आदिवासी, बलुतेदार हेही मराठा समाजापासून तुटत चालले आहेत. मराठा समाजाच्या दृष्टीने ही चिंताजनक बाब आहे. 'सगळ्यांना सांभाळून घेणारा' अशी मराठा समाजची प्रतिमा नष्ट होत चालली आहे, आणि 'जातीयवादी समाज' ही प्रतिमा या तिची जागा घेत आहे.

खरे म्हणजे मराठा समाजाने राष्ट्रवादी पक्षाबद्दल कसलीही आपुलकी बाळगण्याचे कारण नाही. कांही ठराविक धनदांडगी घराणी म्हणजे संपूर्ण मराठा समाज नव्हे.  या पक्षात सामान्य मराठा समाजाला कसलेही स्थान नाही.  या पक्षाने मराठा समाजातील सामान्य लोकांच्या भल्यासाठी आजपर्यंत कसलेही काम केले नाही, त्यांचा उपयोग फक्त मते मिळवण्यासाठीच केला आहे.

त्यामुळे  मराठा समाजाने आपली बिघडलेली प्रतिमा सुधारण्यासाठी राष्ट्रवादी पक्षाला सोडचिट्ठी देणे आवश्यक आहे.  शेतकरी मराठ्यांची पावले त्या दिशेने पडत आहेत हे एक चांगले चिन्ह आहे. शेतक-यांना अनेक गोष्टी लवकर कळतात, इतरांना  त्या कळायला ब-याचदा उशीर लागतो, हेच यावरून दिसून येते. तसेही राष्ट्रवादी पक्ष हे एक बुडते जहाज आहे, आणि या बुडत्या जहाजावरच रहाण्यात कांही अर्थ नाही.

हेही वाचा:  
मराठ्यांची चार शक्तिस्थळे

महाविचार LATEST

Popular Posts This Week