सत्य-असत्याशी मन केले ग्वाही, देखियले नाही बहुमता -संत तुकाराम
Showing posts with label Marathi Blogs. Mahavir Sanglikar Articles. Show all posts
Showing posts with label Marathi Blogs. Mahavir Sanglikar Articles. Show all posts

Wednesday, March 2, 2011

पर्वती झाली हिमालयाहून मोठी

-महावीर सांगलीकर



पुण्यात पर्वती नावाची एक टेकडी आहे. या पर्वतीएवढी प्रसिद्ध टेकडी तुम्हाला आख्ख्या महाराष्ट्रात, नव्हे भारतात देखील कोठे ऐकण्यात येणार नाही. या पर्वतीच्या प्रसिद्धीपुढे सह्याद्री आणि हिमालय हे पर्वत देखील खुजे ठरतात. याचा अर्थ असा नाही की सह्याद्री आणि हिमालय उत्तुंग नाहीत. त्याचे काय आहे की कांही लोक सह्याद्री आणि हिमालय हे पर्वत अस्तित्वातच नाहीत असे समजून पर्वती महात्म्य सांगत सुटतात. ज्यांनी सह्याद्री आणि हिमालय पाहिलाच नाही त्यांना पर्वतीचे हे महात्म्य खरेच वाटायला लागते. कारण  पर्वतीभक्तांच्या ताब्यात मेडीया आहे. त्यातून पर्वतीचे महात्म्या परत-परत सांगितले आणि लोकांना सह्याद्री आणि हिमालय माहितच होवून दिला जात नाही.

आता वेगळ्या शब्दात म्हणजे डायरेक्ट मेथडने सांगायचे म्हणजे कोणा वि.दा. सावरकर नावाच्या लेखक कम हिंदुत्ववादी जादा असणार्‍या टेकडीला कांही लोकांनी हिमालयापेक्षा मोठे बनवून ठेवले आहे! हे टेकडीवाले इंग्रजी सत्तेला हादरा देणार्‍या नेताजी सुभाष चंद्र बोस, भगतसिंग, नाना पाटील या निधड्या छातीच्या क्रांतीकारकांचा उल्लेखही करायचा टाळतात. टेकडीचे लहानपण लपवण्यासाठी हिमालय लपवून ठेवणे हे त्यांना गरजेचे असते!

या लोकांनी प्रत्येक क्षेत्रातील त्यांच्या लहान लहान टेकड्यांना आणि टेकाडांनादेखील हिमालयाहून मोटे बनवून ठेवले आहे. जेथे हिमालय लपवणे शक्या झाले नाही तेथे टेकाडांना त्यांनी हिमालयाचे गुरू बनवून टाकण्याचा उद्योग केला.

आता या टेकडींचे आणि टेकाडांचे यांना एवढे प्रेम का? तर ती टेकडी वा टेकाड त्यांच्या जातीचे असते हेच त्याचे एकमेव कारण.

पण आता माहीती लपवून ठेवण्याचे दिवस संपले आहेत. लोकांना टेकड्या किती लहान असतात हे कळू लागले आहे. एवढेच नव्हे तर या टेकड्यांचे खरे स्वरूप काय आहे हेही बाहेर यायला लागले आहे. त्यामुळे टेकडीमहात्म्य संपणार आहे.


हेही वाचा:
सावरकरांचा माफीनामा
सावरकरांचे गोमांसभक्षण आणि सावरकरवाद्यांचे कर्तव्य
सावरकर भक्तांचा थयथयाट

Wednesday, February 23, 2011

गुरूविन कौन लगाये वाट.....

-महावीर सांगलीकर

आपल्या येथे गुरूंचा सुळसुळाट झाला आहे. समाजातील फार मोठा वर्ग या गुरूंच्या नादी लागला आहे. आधीच आपल्या येथे व्यक्तीपूजा नावाचा भयानक मानसिक रोग पसरलेला आहे, त्यात ती व्यक्ती गुरू असेल तर ही व्यक्तीपूजा माणसाला अधोगतीला घेवून जाते. गुरुंच्या नादी लागलेले लोक आपली बुद्धी कशी गहाण टाकतात ते पहाण्यासारखे आहे.

 महाराष्ट्रातील एक गुरू आपल्या भक्तांना पावामधून आपला बेडका (कफ) प्रसाद म्हणून देत असे. ज्या भक्तांना असा प्रसाद मिळत असे ते स्वत:ला फारच भाग्यवान मानत असत. दुसरा एक गुरू आपल्या भक्तांना प्रसाद म्हणून आपला गू (धार्मिक भाषेत विष्ठा) खायला देत असे. ती ज्यांना मिळे ते त्यांना स्वर्ग दोन बोटे उरत असे.

 गुरुने भक्ताला काठीने मारणे किंवा त्याच्या अंगावर थुंकणे हे देखील असे अंधभक्त मोठे भाग्यच मानतात. अनेक भक्त गुरुचे पाय धुवून ते पाणी तीर्थ म्हणून पीतात. यापेक्षाही विचित्र प्रकार सगळीकडे चालॆ आहेत. अधिक खोलात जायची गरज नाही.  ज्यांना जास्तीची माहीती पाहिजेल, त्यांनी गुरूचरित्रे बघावीत!

असे गुरू आणि त्यांचे अंधभक्त हे केवळ मनोरुग्णच आहेत. पण भारतात मनाच्या रोगांना रोग मानण्याची ’परंपरा’ नाही.

 हे मनोरुग्ण इतके डांबरट असतात की ज्या महापुरुषांना गुरूच नव्हते त्यांच्याही बोकांडी एखादा गुरू बसवतात. हा गुरू आपल्या 'जाती'चा असेल याचीही काळजी घेतात. तेथे पाहिजे जातीचा!

असे हे गुरू ब्रम्हचारी असतात पण सतत बायकांच्या गराड्यात असतात! या भक्त बायकांचे कित्येकदा आपल्या दादल्यापेक्षा गुरूवरच जास्त प्रेम असते!

 शहाण्यांनी गुरू करायच्या भानगडीत पडू नये. आपली बुद्धी हाच आपला गुरू मानावा. इतर गुरुंच्या नादी लागल्यास आपल्या बुद्धीची गुरूविन कौन लगाये वाट.....असे म्हणायची पाळी येवू शकते.

महाविचार LATEST

Popular Posts This Week